SERVIZOS DE TRANSPORTE PARA ASISTIR AO PARTIDO
Consulten os servizos de transporte para asistir ao partido do Blu:sens Monbus o domingo 6 de xaneiro ás 19.00 horas no multiusos Fontes do Sar.
Haberá un servizo lanzadeira desde a rúa de Ramón Piñeiro (lateral do Parlamento de Galicia) ata o multiusos Fontes do Sar a partir das 18.00 h.
A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 18.05 h, 18.25 h e 18:45 h. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza, rúa Virxe da Cerca e rúa de San Pedro.
Ao remate do partido manterase o servizo lanzadeira con destino a Ramón Piñeiro.