*Baloncesto no multiusos Fontes do Sar. Río Natura Monbus Obradoiro – Gipuzkoa Basket (domingo 19/10/2014):

Haberá un servizo lanzadeira desde a rúa de Ramón Piñeiro (lateral do Parlamento de Galicia) ata o multiusos Fontes do Sar a partir das 11:15.

A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 11:05 e 11:45. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino a Ramón Piñeiro.

*Fútbol no estadio de San Lázaro. SD Compostela – CD Lealtad (domingo 19/10/2014):

A liña 6 do transporte urbano incluirá no seu percorrido o estadio de San Lázaro, nos servizos con saída de Os Tilos ás 15:45, 16:15 e 16:45.

Ao remate do partido, os servizos con saída de San Marcos ás 19:00 e 19:30, accederán ao estadio para o regreso.