tussa

Novo bus + Bus

concello de santiago


Novas

SERVIZOS DE TRANSPORTE PARA ASISTIR AO PARTIDO

Servizos para asistir aos partidos de baloncesto en Sar e de fútbol no estadio de S. Lázaro (sábado 12 e domingo 13 de decembro de 2015)

09/12/15
Consulten os servizos de transporte para asistir ao partido do R. Natura Monbus Obradoiro o sábado 12 de decembro ás 20:00 no multiusos Fontes do Sar, e da SD Compostela o domingo 13 ás 17:00 no estadio de San Lázaro:

*Baloncesto no multiusos Fontes do Sar (sábado 12):

Haberá un servizo lanzadeira desde o carril bus da rúa do Hórreo (zona próxima á escalinata da estación de ferrocarril) ata o multiusos Fontes do Sar a partir das 19:00.

A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 19:00, 19:15 e 19:30. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.

Ao remate do partido manterase o servizo lanzadeira con destino á rúa do Hórreo (Parlamento de Galicia).

*Fútbol no estadio de San Lázaro (domingo 13):

A liña 6 do transporte urbano incluirá no seu percorrido o estadio de San Lázaro, nos servizos con saída de Os Tilos ás 15:45, 16:15 e 16:45.

Ao remate do partido, os servizos con saída de San Marcos ás 19:00 e 19:30, accederán ao estadio para o regreso.