SERVIZOS DE TRANSPORTE PARA ASISTIR AO PARTIDO
Consulten os servizos de transporte para asistir este domingo 11 de outubro ao partido do R. Natura Monbus Obradoiro, ás 13:00 no multiusos Fontes do Sar:
Haberá un servizo lanzadeira desde o carril bus da rúa do Hórreo (zona próxima á escalinata da estación de ferrocarril) ata o multiusos Fontes do Sar a partir das 12:00.
A liña C11 (circular de Fontiñas) accederá ao multiusos Fontes do Sar nas viaxes con paso aproximado por Xeneral Pardiñas ás 11:45 e 12:20. As paradas máis céntricas para coller esta liña sitúanse na rúa Xeneral Pardiñas, praza de Galicia, rúa da Ensinanza e rúa Virxe da Cerca.
Ao remate do partido manterase o servizo lanzadeira con destino á rúa do Hórreo (Parlamento de Galicia).